Zoëas beej idderein misschien wal bekint is zien d'r weinig kaarte verkóch veur de Poerker Pronkzitting.
Gister is d'r in 'n gevarieerd gezelschap van Poerkerminse euver gespraoke en daor is 'nne wal hiel verrassende opzet oëtgekómme. De Pronkzitting wuurt daordoor waarschienlik zelfs sjieker als menig ein kin veurstelle.

 Zoë wuurt d'r aafgestap van 't lange rieje taofels met steul principe. D'r zal 'nne sfeervolle opzet met chique rongde taofels in 't café gedeilte en de kleine zaal waere gerealiseerd. 'T podium wuurt naor veur toe gehaold waordoor d'r 'nne intieme sfeer gecreerd wuurt.
Alle artieste die de zittingskemissie veur deeze aovend geboek haet zulle d'r saame veur zörge det dit 'n pronkzitting wuurt die men neet snel zal vergaete.  Maar det is nog lang neet alles. D'r zien 'nne haup verrassinge waoreuver weej neet mier mededelingen kinne doon. Ziet geej nieuwsgierig gewaore? D'r zien nog 'n beperk aantal kaarte te kaup (want: andere zaalindeiling). Veur maar 11 euro ziet geej getuuge van deze wal hiel bezóngere Poerker Pronkzitting, waorbeej weej tevens aafscheid neeme van PoerkerPrins 2011 Sjaak IV en zien adjudante Hai en Paul. Auk zal d'r ein aantal nieje raod van elf leeje waere geprissenteert!

Kaarte zien nog te kaup beej veurzitter Jo van Lierop (Moutzveld 28)

'T speciale actie-comité Poerker Pronkzitting 2011 is volop in de weer, dit wuurt hiel speciaal.....