|
Jeugtrio 2012
Prins Noud I
Adj. Ian en Adj. Maarten
Ik bin Noud Goertz, zoon van Hay van Piet van Lei van Ankers Toën en Ellen Schattefor. Ik bin gebaore op 26 fibberwari 1998 in ut Venlose ziekehoës, en bin verstendig gewaore in Hout-Bliërick. Ik zit op College Den Hulster, wao ik illike daag met miene adjudant Maarten naor toe fiets. Mien groeëtste hobbies zien voetballe beej HBSV, ik speul in de C2. Op mienen bugel maak ik muziek beej de fanfaar en jeugfanfaar. Auk game op miene Playstation 3 vind ik leuk. Same met Maarten en Ian huùre weej beej vrindeclub de Knômmelaers. Ik haop det weej der dit jaor same met de sirremoniemeister, de dansmerietjes en de raod, unne onvergaetelikke vastelaovend van gaon make!
Ik heb der kei vuuël zin in!!!
Alaaf!!!!!
Ik bin Maarten en ik bin de middelste van Liew. Bin de zoon van Rob en Gitte en bin de broor van Joost en breurke van Vera.
Ik woeën langs de Hoverhofwaeg. Ik voetbal beej HBSV en zit op de beste schoeël van Venlo, en det is college den Hulster.
Veurig jaor heb ik al un bietje kinne kieke wie alles werkt beej de raod van elluf, en ik vond ut toen kei leuk. En nao de verhaole van mien zus, die auk adjudant waas, waas ik dan auk hiel bliej, toen ik gebeld waord um adjudant te waere.
Ik heb al verschillende kière mei gedaon met de groeëte optoch met mien vrinde "de Knommelaers".
Weej gaon probere d'r eine fantastische vastelaovend van te make.
Ik bin Ian Symons en bin 13 jaor geleeje gebaore as de zoon van Jan en Suzan Symons. Ik bin de middelste van de dreej, want ik heb nog ein braor en ein zuske waormei ik same op de Beeretweg woeën. Ik bin de enigste van ut trio dae neet op Den Hulster zit maar op ut Blariacum College, wao ik auk op de sportklas zit, want ik hald wal van sporte. Mien hobbies zien voetballe in de C1 van HBSV, game met ut trio en aaf en toe nog ens lekker wielrenne. Same met Noud en Maarten gaon weej d'r dit jaor eine schoeëne vastelaovend van make.
Ik heb d'r super vuul zin in
Ik, prins Noud d'n iërste,
Hiërser euver de Poerkerplak,
Baron van de Watermeulehook,
En beschermhier van de Knômmelaers.
Ik gaef same met mien adjudante Maarten en Ian beej de grasie van Vors Poerkwazel d'n derde, te verstaon det:
Ten 1e:
Weej dit jaor aevevuul plezeer hebbe as ut jeuggezelschap van veurig jaor.
Ten 2e:
Geej dit jaor auk duchtig tekier gaot.
Ten 3e:
De Knômmelaers dit jaor ouk zónger ós hölp, in d'n optoch meiloupe.
Ten 4e:
Geej allemaol nao de recepsie kómp op zóndig 12 fibberwari .
Ten 5e:
De fanfaar en HBSV ut de kómmende daag effe zónger ós mótte doon.
Ten 6e:
Ós pap en mam neet sanikke as weej unne kièr te laat thoes kómme.
Ten 7e:
Idderein nao de groeëte optoch en Kingeroptoch kump kieke.
Ten 8e:
Ós Playstation-vrinde ut met dees daag toch efkes zónger ós mótte doon.
Ten 9e:
Geej dit jaor allemaol meidaot met de optoch, zoedet dae nog schoeëner wuurt.
Ten 10e:
We de ganse vastelaovend good weer hebbe.
Ten 11e:
Weej ós beste beinke veurzette um der same met prins (Invulle) en zien adjudante (invulle) en (invulle) eine super vastelaovend van te make.
Weej hierse onger ós motto:
Met ózze controller in de heng en ózze voetbal aan de voot, wuurt deze vastelaovend bièstig good! |
